Wunder
1
Suech e Frau
für gmeinsami Wunde
wo mi fesslet wienen Strick
will ich bin gärn unbunde
miteme eigene Chopf
und eigene Brüscht
mit Egge und Kante
keis Chnochegrüscht
womer über s Muul fahrt
mit ihrne Finger und Haar
womer d Auge öffnet
für ihri Muetermal
womer de Schueh git
wänni mini Chleider nüm find
womer de Finger zeigt
wänni mi ahzieh will
2
Suech e Frau
für gmeinsami Wunde
womer de Chopf verdräht
wänni d anderne nahluege
womi is schwitze bringt
wänni sie sitze lah
womi id Chnüü zwingt
will ich hinder ihre stah
wo d Hose ahhätt
wänn sie en andere trifft
womer zuelost
au wänn ich mis Wort brich
wo no rot wird im Gsicht
am Hals und a de Ohre
als hett sie dur de Blick
ihri Unschuld verlore
3
Suech e Frau
für gmeinsami Wunde
womer nahlauft wienes Lied
wänni us Stolz abhau
wo wieder chunt wienen Refrain
au wänni d Strophe nüm cha
womer Hoffnige macht
wänni Hemmige ha
womi verletzt
Türe schletzt
hüüled und stresst
mich niemeh gseh wett
nöd im Traum zuegäh würd
dass sie mich vermisst
aber d Lippe bewegt
wänn sie die Annonce list
FACEBOOK
INSTAGRAM
VIMEO