Bahnhof

 

1
Vergiss d' Bronx, vergiss s' Ghetto
stiig us, Mann, mi sind ahchoo
S8 Wädischwiil
Kanton Züri, i de Agglo

 

das isch de Bahnhof, de Träffpunkt
de chlii Platzspitz
da gsehsch, wär vo Züri chunt
die Chliine afixt

 

das isch de Bahnhof, de Träffpunkt
de chlii Platzspitz
da gsehsch, wär dezueghört
und wär nu abblitzt

 

Hänger, Hip Hopper,
Punks und Popper
Technochöpf, Rocker
und d' Italos

 

mit de derbschte Mode
und de neuschte Droge
und all lueged so
als würdeds de Ernschtfall probe

 

det gsehsch die erschte schüche Küss
zwüsched hoi und ciao
und die erschte chliine Lugge
im Läbenslauf

 

det gsehsch die erschte schüche Brüscht
wo sich käne anetraut
und de schwarz Fotichaschte
wo de Dave sis Piece verchauft

 

Marok, Afghan
und Rote Libanes
und de Roni erkännsch vo hinne
am gfärbte Irokes


i de Schuel zeigeds de Film
vo de alte Knacker
mitem Loch im Hals
underem Chrage vo de Jagge

 

und d' Lehrer haltet Vorträg
über d' Gföhrlichkeit vom Rauche
während de Roni i de hinderschte Reihe
eis vordräht fü d' Pause

 

es isch alles e Frag vom Mass
nie z' vill Tabak und Indoorgras
wänn d' Chläbstell suuber abrissisch
bringt di s' Kiffe nöd is Grab


Refrain
das isch de Bahnhof, de Träffpunkt
de chlii Platzspitz
det gsehsch, wär dezueghört
und wär nu abblitzt

 

das isch de Bahnhof, de Träffpunkt
de chlii Platzspitz
det gsehsch, wär dezueghört
und wär nu abblitzt

 

2
det staht d' Simona im T-Shi
und de rasierte Achselhöhle
Töff stönd um sie ume
luuter Buebe am Gröhle

 

will d' Natalie no nöd weiss
was en Stiife isch, ich schwöre
frög si sälber und d' Simona
hät die gröschti Röhre

 

bis de Dave auftaucht
und de Jungs foif git
es Rauchi spendiert
für e chliises Jointli

 


alles was er uselat
isch suuberi War
und d' Sunne spieglet sich
i de spitzige Gelhaar

 

d' Simona isch gspannt
wie ihre BH
legal, scheissegal
de Dave mischt i de Hand

 

de Roni dörf ahrauche
sich sälber überzüge
das isch Spitzequalität
diräkt us Amsterdam

 

d' Helfti vo de Gluet
brännt im Arafattuech
und er macht de Walkman lüüter
währenddem er Für suecht

 

sis Gsicht verschwindet
inere wisse Wulche
kei Bock uf die Schuel
und er spoizt wänner fluecht

 

de Rico chan Ringli mache
wo i de Luft tanzed
und d' Simona wür gärn wüsse
wien er das bloss anebringt

 

du musch wie d' Luft küsse
und er kännt jedes Lied
de Remo macht dicki Bagge
will er s nöd würkli abezieht

 

d' Jungs stönd in Chreis
und mached no en Türk
und de Dave frögd de Rico
ob er s mit de Simona mache würd


Refrain
das isch de Bahnhof, de Träffpunkt
de chlii Platzspitz
det gsehsch, wär dezue ghört
und wär nu abblitzt

 

das isch de Bahnhof, de Träffpunkt
de chlii Platzspitz
det gsehsch, wär dezue ghört
und wär nu abblitzt

 

3
es isch de flüssendi Übergang
vo de Tisch- zu de Sexbombe
de Afang vo de Periode
als erschts chömed d' Secondas

 

d' Simona hätt de Ahschiss
sie dörf nöd id Katakombe
aber det sind die geilschte Parties
mit de Deejays us London

 

und de Simona ihri Brüscht
drucked dur de Pulli
und die erschte wilde Grücht
macht d' Rundi

 

De Roni hätt e grosses A
uf d' Jagge gmalt
und en Chreis drumumezoge
us Stacheldraht

 

all wo kiffed, gönd vill offener
dur die abgfuckti Wält
hinderfröged das Syschtem
und d' Rolle vom Gäld

 

vom Rico chasch lärne
was es heisst, nume z'sii
du musch nu stärbe
de Rescht isch puri Phantasie

 

und de Dave isch s Bindeglied
zwüsched Rave und Revolution
und de Dave schmöckd als erschte
nach Eau de Cologne

 

und de Simona ihres erschte
isch am Dave sis x te Mal
uf Trips ischs am geilschte
sie hätts abtriibe la

 

Refrain
das isch de Bahnhof, de Träffpunkt
de chlii Platzspitz
det gsehsch, wär dezueghört
und wer nu abblitzt

 

das isch de Bahnhof, de Träffpunkt
de chlii Platzspitz
aber hüt isch känn Chnoche det
will de Dave i de U Haft sitzt

 

4
sie händ en inezoge
miteme Sack voll Es
mit em ganze Chole
de Psylos und em LSD

 

über de Perron windeds
es paar abgrisseni Papes
vertröchneti Pariser
vo misslungene Dates

 

und am Roni sini Sprüch
händs wieder wiiss gschtriche
alles bliibt bim Alte
wänn sich niemerd ufrichtet

 

am Lehrer tüggis Leid
ob öpper öppis wüssi
woners seit chas niemer glaube
und all sind unschlüssig

 

d' Eltere wäred froh
me cha sich mälde bi de Kripo
vom Friitig uf de Samschtig
hät sich de Remo s' Läbe gno

 

und all stönd im Chreis
und mached no en Türk
als chönt mer d' Ziit ahhalte
wämer s gnueg lang abewürgt

 

d Simona dänkt an Rico
wie sich de Rauch i Luft uflöst
und sie phaltet d' Auge offe
bis es de Blitz uslöst

 

de Fotichaschte warted
uf e noii Generation
wo de Stuel ufedräht
und en Stutz inerüehrt

 

Schweisshänd und Hormon
für en Moment Illusion
und all lueged so
als chönt me de Ernschtfall probe