Irgendwo
Ich bin immer, irgendwo, wie so
weisch wieni mein?
Ja, ich bin immer irgendwo, wie so
kei Ahnig, wieso
Ich stah immer irgendwo
vor de drüü gliiche Frage:
Wie fangi a? Wie gahts wiiter?
Und wieviel gits defür Gage?
Ich stah immer irgendwo
nu mir sälber im Wäg
oder chasch mer eine säge
wo besser als ich wär?
Ich bin immer irgendwo
halt au de Ziit vorus
die nächschte paar Jahr
gibi im Schlaf Interviews
Frögeds das, säg ich das
frögeds andersch, cheris um
und wänn de Wecker endlich schället
isch es irgendwo scho Tag
Ich bin immer, irgendwo, wie so
frög mi nöd wieso
ich bin immer irgendwie, irgendwo, wie so
ja, scho
Ich bin immer irgendwo
es biz zwüsched mine Bei
es biz näbd de Schueh
mit eim Fuess bi dir dihei
Ich bin immer irgendwo
mitem Chopf i de Wulche
uf dim Schoos, i dine Händ
und biire biz bi ihre
irgendwie bini, irgendwo
halt au nu en Mänsch
wo sich nöd vill besser
als e Hosetäsche kännt
Die besser Helfti vo mim Hirn
weiss das längschtens scho
nu de Rescht vo mir isch mängmal
halt dänn doch irgendwo
Ich bin, irgendwie
was chan ich defüür?
Ich bin immer irgendwie nie
elleige am Stüür
Ich stah immer irgendwo
wieso im Gägeliecht
vo Lüüt, womer ständig säged
was us mier no wird
Ich stah immer irgendwo
wieso anere Chrüüzig
det wohned d Schuelkollege
all i ihrne Hüüsli
Ich stah immer irgendwo
mitem Rugge zu de Wand
lueg uf de Dancefloor
und am Deejay uf d Hand
Zum Glück gits die Lieder
wo eim s Gfühl gänd
me heg irgendwo e Bestimmig
und all gsehnd das irgendwänn
Ich bin immer, irgendwo
bini scho froh, dassi no läbe
ich bin immer irgendwo
wie so, ja, was sölli säge?
Ich stah immer irgendwo
zwüsched em Yoghurt und em Brot
jetzt händs umgstellt, umbout
mi händ no en grössere Coop
S Brot isch jetzt neu
ganz z hinderscht hinne
nüm wie früehner die fairi
Baumwulllinie
Yoghurt häts sicher
fascht zäh Meter
richtigi, light
und eine uf Demeter
Am Schluss chaufi sones
Doppelpack Underwösch
wo irgendwo uf de Wält
en Tag de Durscht löscht
Ich bin immer, irgendwo, wie so
losisch zue?
Ich bin immer irgendwo, wie so
moll, das chunt scho guet
Ich bin immer irgendwo
zwüsched füfzähni und -
ich bin eifach überqualifiziert
ich mach nuno, was mi wükli innezieht
Ich stah immer irgendwo
uf de Gäschtelischte
Cash bruuchi eigentlich nu
fü die nächschti Mieti
Ich sitz immer irgendwo
bi de Tuube ufem Dach
wasi säg und was i mach
isch wie so Tag und Nacht
Drum isch Mittag irgendwo
fascht die beschti Ziit
lüüt mer a, dänn seisch mer
was dr ufem Mage liit
Ich bin immer, ja, doch
das hätt e chli öppis,
ich bin immer irgendwo
wieso? Störts di?
Ich sött immer irgendwo
de Finger usenäh
ich sött immer irgendwo
wie so öppis zuegäh
So vill Lüüt glaubed a mich
und hoffed dass ichs schaff
kei Ahnig, wo du läbsch
ich bin en Star i däre Stadt
Ich bin immer irgendwo
zwüsched Wädi und New York
und wänns irgendwo en MC bruucht
rüefeds mi sofort
drum bini immer irgendwie wie so:
hey, weisch was?
Ihr chönd mer all am, irgendwo
ich weiss genau, wasi mach!
FACEBOOK
INSTAGRAM
VIMEO